Leihotik begira

1978ko uztailaren 8an, Iruñeako sanferminetan, poliziak German Rodriguez gaztea hil zuen.
Bere oroimenez, lagun eta senitartekoek oroitarri bat jarri zuten bera zendu zen toki berean, Karlos III.a etorbidea eta Orreaga kalea gurutzatzen diren lekuan hain zuzen ere.
Oroitarri honek, bertsio ofizialak erakusten duena baino ilunagoa izan zen garaietara eramaten gaitu, ordukoa ez ahazteko oroitarria izanik.

Haize Goikoetxearen aita, Mikel Goikoetxea (Txapela), GALek hil zuen duela 25 urte. Haize haren arrastoaren bila hasten da, Itsasoaren Alaba dokumentalean. 2009an egina.