Javascript is required to view this map.

Peter Friedl-en ERAKUSKETA

Data: 2010-03-04 - 2010-06-06
Rekalde aretoa
Rekalde zumarkalea,30
Bilbo
Tlf. +34 94 4068755

Komisarioa: Leire Vergara

Peter Friedl (Oberneukirchen, Austria, 1960) arte-kritikaria, idazlea, artista eta diseinatzailea da. Berlinen bizi da, eta bertan lan egiten du.

rekalde aretoko erakusketan, Friedl-ek egindako azken filmak eta hainbat argazki-sail egongo dira ikusgai. Gainera, artistak erakusketa honetarako berariaz egin duen film berria aurkeztuko du. Azken film horren izena Bilbao Song da, Bertolt Bretch-en poemaren izenburuari egiten dio aipamena, eta soinu-banda gisa erabiltzen den musika Kurt Weill-ena da.

Peter Friedl-en lanak antzezpenaren baldintzak eta generoak ikertzen ditu; eta, besteak beste, erakusketa hauetan egon da ikusgai: Documenta X (1997) eta Documenta XII (2007) erakusketetan, Veneziako Bienalaren 48. edizioan (1999), Berlingo Bienalaren 3. edizioan (2004) eta Sevillako Arte Garaikideari buruzko Nazioarteko 2. Bienalean (2006).

2006. urtean, Bartzelonako Museu d’Art Contemporani museoak (MACBA-k) atzera begirako erakusketa oso bat antolatu zuen. Bestalde, 2008. urtean, Vincent Award sari ospetsurako izendatu zuten artista austriarra, eta, era berean, erakusketa bat jarri zuten Amsterdameko Stedelijk Museum-en.